॥ श्री गणेशाय नमः ॥रविवार, 1 नवंबर 20262:34:06 PMIST

रामकृपासनातन भक्ति का संपूर्ण संग्रह

होम › स्तोत्र › कनकधारा स्तोत्रम्

कनकधारा स्तोत्रम्

माँ लक्ष्मी · स्तोत्र · आदि शंकराचार्य

भाग चुनें

स्तोत्र

कनकधारा स्तोत्रम्

माँ लक्ष्मी

रचना: आदि शंकराचार्य

पन्ना पलटें →

कनकधारा स्तोत्रम्

अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्।
अङ्गीकृताऽखिल-विभूतिरपाङ्गलीला माङ्गल्यदाऽस्तु मम मङ्गळदेवतायाः ॥१॥

मुग्धा मुहुर्विदधती वदने मुरारेः प्रेमत्रपा-प्रणहितानि गताऽऽगतानि।
मालादृशोर्मधुकरीव महोत्पले या सा मे श्रियं दिशतु सागरसम्भवायाः ॥२॥

पन्ना 1–2 / 10

पूरा पाठ एक पेज पर पढ़ें

अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्।
अङ्गीकृताऽखिल-विभूतिरपाङ्गलीला माङ्गल्यदाऽस्तु मम मङ्गळदेवतायाः ॥१॥

मुग्धा मुहुर्विदधती वदने मुरारेः प्रेमत्रपा-प्रणहितानि गताऽऽगतानि।
मालादृशोर्मधुकरीव महोत्पले या सा मे श्रियं दिशतु सागरसम्भवायाः ॥२॥

विश्वामरेन्द्रपद-वीभ्रमदानदक्ष आनन्द-हेतुरधिकं मुरविद्विषोऽपि।
ईषन्निषीदतु मयि क्षणमीक्षणर्द्ध मिन्दीवरोदर-सहोदरमिन्दिरायाः ॥३॥

आमीलिताक्षमधिगम्य मुदा मुकुन्द आनन्दकन्दमनिमेषमनङ्गतन्त्रम्।
आकेकरस्थित-कनीनिकपक्ष्मनेत्रं भूत्यै भवेन्मम भुजङ्गशयाङ्गनायाः ॥४॥

बाह्वन्तरे मधुजितः श्रित कौस्तुभे या हारावलीव हरिनीलमयी विभाति।
कामप्रदा भगवतोऽपि कटाक्षमाला, कल्याणमावहतु मे कमलालयायाः ॥५॥

कालाम्बुदाळि-ललितोरसि कैटभारे-धाराधरे स्फुरति या तडिदङ्गनेव।
मातुः समस्तजगतां महनीयमूर्ति-भद्राणि मे दिशतु भार्गवनन्दनायाः ॥६॥

प्राप्तं पदं प्रथमतः किल यत् प्रभावान् माङ्गल्यभाजि मधुमाथिनि मन्मथेन।
मय्यापतेत्तदिह मन्थर-मीक्षणार्धं मन्दाऽलसञ्च मकरालय-कन्यकायाः ॥७॥

दद्याद् दयानुपवनो द्रविणाम्बुधारा मस्मिन्नकिञ्चन विहङ्गशिशौ विषण्णे।
दुष्कर्म-घर्ममपनीय चिराय दूरं नारायण-प्रणयिनी नयनाम्बुवाहः ॥८॥

इष्टाविशिष्टमतयोऽपि यया दयार्द्र दृष्ट्या त्रिविष्टपपदं सुलभं लभन्ते।
दृष्टिः प्रहृष्ट-कमलोदर-दीप्तिरिष्टां पुष्टिं कृषीष्ट मम पुष्करविष्टरायाः ॥९॥

गीर्देवतेति गरुडध्वजभामिनीति शाकम्भरीति शशिशेखर-वल्लभेति।
सृष्टि-स्थिति-प्रलय-केलिषु संस्थितायै तस्यै नमस्त्रिभुवनैकगुरोस्तरुण्यै ॥१०॥

श्रुत्यै नमोऽस्तु शुभकर्मफलप्रसूत्यै रत्यै नमोऽस्तु रमणीय गुणार्णवायै।
शक्त्यै नमोऽस्तु शतपत्र निकेतनायै पुष्ट्यै नमोऽस्तु पुरुषोत्तम-वल्लभायै ॥११॥

नमोऽस्तु नालीक-निभाननायै नमोऽस्तु दुग्धोदधि-जन्मभूत्यै।
नमोऽस्तु सोमामृत-सोदरायै नमोऽस्तु नारायण-वल्लभायै ॥१२॥

नमोऽस्तु हेमाम्बुजपीठिकायै नमोऽस्तु भूमण्डलनायिकायै।
नमोऽस्तु देवादिदयापरायै नमोऽस्तु शार्ङ्गायुधवल्लभायै ॥१३॥

नमोऽस्तु देव्यै भृगुनन्दनायै नमोऽस्तु विष्णोरुरसि स्थितायै।
नमोऽस्तु लक्ष्म्यै कमलालयायै नमोऽस्तु दामोदरवल्लभायै ॥१४॥

नमोऽस्तु कान्त्यै कमलेक्षणायै नमोऽस्तु भूत्यै भुवनप्रसूत्यै।
नमोऽस्तु देवादिभिरर्चितायै नमोऽस्तु नन्दात्मजवल्लभायै ॥१५॥

सम्पत्कराणि सकलेन्द्रिय-नन्दनानि साम्राज्यदान विभवानि सरोरुहाक्षि।
त्वद्-वन्दनानि दुरिताहरणोद्यतानि मामेव मातरनिशं कलयन्तु नान्यत् ॥१६॥

यत्कटाक्ष-समुपासनाविधिः सेवकस्य सकलार्थसम्पदः।
सन्तनोति वचनाऽङ्गमानसैः त्वां मुरारि-हृदयेश्वरीं भजे ॥१७॥

सरसिज-निलये सरोजहस्ते धवळतरांशुक-गन्ध-माल्यशोभे।
भगवति हरिवल्लभे मनोज्ञे त्रिभुवन-भूतिकरि प्रसीद मह्यम् ॥१८॥

दिग्घस्तिभिः कनककुम्भमुखावसृष्ट स्वर्वाहिनीविमलचारु-जलप्लुताङ्गीम्।
प्रातर्नमामि जगतां जननीमशेष लोकाधिराजगृहिणीममृताब्धिपुत्रीम् ॥१९॥

कमले कमलाक्षवल्लभे त्वं करुणापूर-तरङ्गितैरपाङ्गैः।
अवलोकय मामकिञ्चनानां प्रथमं पात्रमकृत्रिमं दयायाः ॥२०॥

स्तुवन्ति ये स्तुतिभिरमीभिरन्वहं त्रयीमयीं त्रिभुवनमातरं रमाम्।
गुणाधिका गुरुतरभाग्यभागिनो भवन्ति ते भुवि बुधभाविताशयाः ॥२१॥

॥इति श्रीमदाद्यशङ्कराचार्यविरचितं श्री कनकधारा स्तोत्रं सम्पूर्णम्॥

🔤 Read in English (Roman lyrics)

angam hareh pulakabhushanamashrayanti bhringanganeva mukulabharanam tamalam|
angikrita'khila-vibhutirapangalila mangalyada'stu mama mangaladevatayah ||1||

mugdha muhurvidadhati vadane murareh prematrapa-pranahitani gata''gatani|
maladrishormadhukariva mahotpale ya sa me shriyam dishatu sagarasambhavayah ||2||

vishvamarendrapada-vibhramadanadaksha ananda-heturadhikam muravidvisho'pi|
ishannishidatu mayi kshanamikshanarddha mindivarodara-sahodaramindirayah ||3||

amilitakshamadhigamya muda mukunda anandakandamanimeshamanangatantram|
akekarasthita-kaninikapakshmanetram bhutyai bhavenmama bhujangashayanganayah ||4||

bahvantare madhujitah shrita kaustubhe ya haravaliva harinilamayi vibhati|
kamaprada bhagavato'pi katakshamala, kalyanamavahatu me kamalalayayah ||5||

kalambudali-lalitorasi kaitabhare-dharadhare sphurati ya tadidanganeva|
matuh samastajagatam mahaniyamurti-bhadrani me dishatu bhargavanandanayah ||6||

praptam padam prathamatah kila yat prabhavan mangalyabhaji madhumathini manmathena|
mayyapatettadiha manthara-mikshanardham manda'lasancha makaralaya-kanyakayah ||7||

dadyad dayanupavano dravinambudhara masminnakinchana vihangashishau vishanne|
dushkarma-gharmamapaniya chiraya duram narayana-pranayini nayanambuvahah ||8||

ishtavishishtamatayo'pi yaya dayardra drishtya trivishtapapadam sulabham labhante|
drishtih prahrishta-kamalodara-diptirishtam pushtim krishishta mama pushkaravishtarayah ||9||

girdevateti garudadhvajabhaminiti shakambhariti shashishekhara-vallabheti|
srishti-sthiti-pralaya-kelishu sansthitayai tasyai namastribhuvanaikagurostarunyai ||10||

shrutyai namo'stu shubhakarmaphalaprasutyai ratyai namo'stu ramaniya gunarnavayai|
shaktyai namo'stu shatapatra niketanayai pushtyai namo'stu purushottama-vallabhayai ||11||

namo'stu nalika-nibhananayai namo'stu dugdhodadhi-janmabhutyai|
namo'stu somamrita-sodarayai namo'stu narayana-vallabhayai ||12||

namo'stu hemambujapithikayai namo'stu bhumandalanayikayai|
namo'stu devadidayaparayai namo'stu sharngayudhavallabhayai ||13||

namo'stu devyai bhrigunandanayai namo'stu vishnorurasi sthitayai|
namo'stu lakshmyai kamalalayayai namo'stu damodaravallabhayai ||14||

namo'stu kantyai kamalekshanayai namo'stu bhutyai bhuvanaprasutyai|
namo'stu devadibhirarchitayai namo'stu nandatmajavallabhayai ||15||

sampatkarani sakalendriya-nandanani samrajyadana vibhavani saroruhakshi|
tvad-vandanani duritaharanodyatani mameva mataranisham kalayantu nanyat ||16||

yatkataksha-samupasanavidhih sevakasya sakalarthasampadah|
santanoti vachana'ngamanasaih tvam murari-hridayeshvarim bhaje ||17||

sarasija-nilaye sarojahaste dhavalataranshuka-gandha-malyashobhe|
bhagavati harivallabhe manogye tribhuvana-bhutikari prasida mahyam ||18||

digghastibhih kanakakumbhamukhavasrishta svarvahinivimalacharu-jalaplutangim|
pratarnamami jagatam jananimashesha lokadhirajagrihinimamritabdhiputrim ||19||

kamale kamalakshavallabhe tvam karunapura-tarangitairapangaih|
avalokaya mamakinchananam prathamam patramakritrimam dayayah ||20||

stuvanti ye stutibhiramibhiranvaham trayimayim tribhuvanamataram ramam|
gunadhika gurutarabhagyabhagino bhavanti te bhuvi budhabhavitashayah ||21||

||iti shrimadadyashankaracharyavirachitam shri kanakadhara stotram sampurnam||

यह पाठ देवनागरी से अपने आप रोमन अक्षरों में बदला गया है। सही उच्चारण के लिए देवनागरी पाठ को आधार मानें।

📲 रोज़ का पाठ WhatsApp पर पाएँ

परिचय

माँ लक्ष्मी की स्तुति। परंपरा के अनुसार आदि शंकराचार्य ने एक निर्धन ब्राह्मणी के घर इसे गाया था।

महत्व

शुक्रवार, दीपावली और धन से जुड़ी चिंता में इसका पाठ किया जाता है।

पाठ विधि

स्नान करके साफ़ वस्त्र पहनें और माँ लक्ष्मी के चित्र या मूर्ति के सामने बैठें।
घी का दीपक और धूप जलाएँ, फूल और भोग अर्पित करें।
पहले श्री गणेश का स्मरण करें, फिर शांत मन से, स्पष्ट उच्चारण के साथ पूरा पाठ करें।
पाठ के बाद माँ लक्ष्मी का मंत्र या आरती करके प्रसाद बाँटें।
शुक्रवार को इस पाठ का विशेष महत्व माना जाता है; चाहें तो 11, 21 या 40 दिन का संकल्प लेकर रोज़ पढ़ें।

यह भी जानें

माँ लक्ष्मी के मंत्र शुक्रवार की पूजा और व्रत कथा अक्षय तृतीया शरद पूर्णिमा धनतेरस दीपावली (बड़ी दिवाली, लक्ष्मी पूजा)🪔 ऑनलाइन आरती करें 📿 जप माला